Бүгін Мемлекет тарихы институты мен Ақмола облысының мемлекеттік мұрағаты арасында ынтымақтастық туралы меморандум жасалды. Бірлескен жоба аясында» Ақмола облысының тарихи-мәдени бастаулары»қолданбалы ғылыми-зерттеу жұмыстарын жүргізу жоспарлануда. Ғылыми-зерттеу жұмысының мақсаты XIX-XXI ғасырлардағы Ақмола облысының тарихи-мәдени (әкімшілік-аумақтық, урбанизациялық, этнодемографиялық) процестерінің қалыптасу және даму тарихын зерделеу болып табылады. Осы зерттеу жұмысының арқасында өңірдегі қоғамдық процестерді тұрақты дамыту бойынша ұсыныстар дайындалатын болады. Бұл жұмыстар Түркістандағы ұлттық құрылтайдың екінші отырысында көтерілген ұлтымыздың тарихи санасын жаңғырту бағытымен сәйкес келеді. Бүгінде мемлекет тарихы институтының ғалымы, Т.ғ. д., профессор Әліма Ауанасова бастаған зерттеу тобы өңірдің мұрағат қорын зерттеп жатыр. Естеріңізге сала кетейік, ағымдағы жылдың 5 шілдесінде Астананың 25 жылдық мерейтойы қарсаңында Мемлекет тарихы институты мен Астана қаласының мемлекеттік мұрағаты өзара ынтымақтастық туралы Меморандумға қол қойып, «тарих құпиясы — мұрағаттық деректерде»жобасын іске қосты. Осы бағыт бойынша өңірлер мұрағаттарымен ынтымақтастық жалғасатын болады.